चैनपरका एक मेडिकलमा कार्यरत स्वास्थ्यकर्मीमा कोरोना पुष्टि भए संगै सदरमुकाममा त्रास

बझाङको सदरमुकाम चैनपुरमा कार्यरत एक जना स्वास्थ्यकर्मीमा कोरोना संक्रमण पुष्टि भए पछि सदरमुकाम चैनपुरमा त्रास बढेको छ ।
मंगलबार डडेल्धुरा अस्पतालमा भएको परिक्षणमा चैनपुरको एक मेडीकलमा कार्यरत स्वास्थ्यकर्मिमा संक्रमण पुष्टि भएको जिल्ला अस्पताल बझाङका कोरोना फोकल पर्सन मिलन खड्काले बताए । मेडिकलमा कार्यरत ति स्वस्थ्यकर्मीले दैनिक जसो सयौ मान्छेको सम्र्पकमा आएको हुन सक्ने भन्दै उनको कन्ट्रयाक टे«सिङ्ग गर्ने काम भई रहेको डाक्टर खड्काले जानकारी दिए ।
उनी केदारस्युँ गाउँपालिका ९ का २७ बर्षीया पुरुष हुन । उनि अहिले जिल्ला अस्पतालको आईसोलेशनका बसेको उनले जानकारी दिए । यो संगै बझाङमा स्थानीय संक्रमितको संख्या दुई पुगेको छ । यो संगै कोराना संक्रमण समुदाय स्तरमा गई सकेकाले सबैलाई सचेत स्वास्थ्यकर्मीहरुले सुझाव दिएका छन् ।
यस अघि बुगंल नगरपालिकाका एक स्थानियमा संक्रमण देखिएको थियो । मंगलबार भएको परिक्षणमा बझाङका ३८ जनामा कोरोना संक्रमण पुष्टि भएको छ । डडेल्धरा प्रयोगशाला इन्चार्ज ईश्वरी प्रशाद भूषालका अनुसार मंगलबार बझाङको केदास्यूँ गाउँपालिकाका १६ जना, बुङ्गल नगरपालिकाका १४ जना, थलारा गाउँपालिकाका ४ जना, छब्बिसपाथिभारा गाउँपालिकाका २ जना र बित्थडचिर गाउँपालिकाका २ जनामा कोरोना पुष्टि भएको हो ।

यो पनि पढ्नुहोस
You might also like