लिम्बू भाषामा कक्षा १ को सामाजिक विषयको पाठ्यपुस्तक

 

लिम्बू भाषामा कक्षा १ को सामाजिक विषयको पाठ्यपुस्तक 

प्रदेश-१, पाँचथर जिल्लाको फिदिम नगरपालिकाका तीन वटा विद्यालयहरूमा भाषा आयोग, भीएसओ नेपाल र फिदिम नगरपालिकाको सहकार्यमा बहुभाषिक शिक्षाका लागि नमुना विकास कार्यक्रम लागू गरिएको थियो । वि.स. २०७५/७६ सालमा लागू गरिएको उक्त मातृभाषामा आधारित बहुभाषिक शिक्षाको नमुना विकास कार्यक्रममा फिदिम नगरपालिकाका लिम्बू विद्यार्थी र शिक्षक बाहुल्य रहेका ३ वटा विद्यालयहरूमा लागू गरिएको थियो । उक्त ३ वटा विद्यालयहरू महाकवि देवकोटा आवि, याङनाम आवि र बुधिक आवि रहेका छन् ।

यो पनि पढ्नुहोस

स्रष्टा र सिर्जना (गीत), नभेटेको भए…

मेरो धरातल, मेरो पाइला संस्मरण-१

भाषा आयोगबाट फिदिम नगरपालिकाका सबै विद्यालयको भाषिक नक्साङ्कन, मातृभाषाको स्तर पहिचान र शिक्षामा मातृभाषाको प्रयोग सम्भाव्यताको अध्ययन गरी प्रतिवेदन समेत सार्वजनिक गरिएको थियो । त्यसैको आधारमा फिदिम नगरपालिका र लिम्बू भाषाको छनोट गरी यस कार्यक्रमका लागि विद्यालयहरू छनोट गरी मातृभाषामा आधारित बहुभाषिक शिक्षाको नमुना विकासका कार्यक्रमलाई दुई चरणमा सम्पन्न गरिएको थियो । पहिलो  चरणमा नगरपालिकाका पदाधिकारी,  छनोट भएका विद्यालयका प्रअ, विव्यस पदाधिकारी र अभिभावक समेतलाई अभिमुखीकरण गरिएको थियो । दोस्रो चरणमा भने लिम्बू भाषामा कक्षा १ का लागि सामाजिक विषयको पाठ्यपुस्तक लेखन, मातृभाषामा आधारित बहुभाषिक शिक्षासम्बन्धी तालिम र विद्यालयस्थित समुदायसँग परामर्श कार्यक्रम एकसाथ सञ्चालन गरिएको थियो ।

भाषा आयोगबाट प्रकाशित  लिम्बू भाषामा लिखित यस पुस्तकमा सिरिजङ्गा र देवनागरी दुवै लिपिको प्रयोग गरिएको छ। यसका लेखक र सम्पादक शिक्षक हरिचन्द्र लावती, शिक्षक श्यामबहादुर जबेगु र भाषिक अध्येता दिलेन्द्र कुरूम्बाङ रहेका छन् । पुस्तकमा चित्रकारको भूमिका विजयबोध लावतीले गरेका छन् भने लिम्बू भाषाको सम्पादन कार्य वरिष्ठ कवि वैरागी काइँलाले गर्नुभएको छ। साथै नेपाली भाषाको सम्पादन र संयोजन कार्य आयोगका उपसचिव डा.लोकबहादुर लोप्चनले गरेका छन् भने कम्प्युर सेटिङ कम्प्युटर अपरेटर कृष्णनन्दन महतोले गरेका छन् । स्थानीय तह फिदिम नपा र भाषा आयोगका अनुसार यो पाठ्यपुस्तक भन्दा पनि कक्षामा १ अध्ययन गर्ने बालबालिकाका लागि लिम्बू भाषामा तयार गरिएको पाठ्सामग्री वा सन्दर्भसामग्री हो ।

You might also like