तामाङ कर्मचारी मञ्चबाट तामाङ राष्ट्रिय पुस्तकालयका लागि आर्थिक सहयोग प्रदान
तामाङ निजामती कर्मचारी संजाल(तदर्थ) समितिको दोस्रो बैठक सम्पन्न भएको छ । आज भएको बैठक काठमाडौँ बौद्ध६ मा रहेको तामाङ राष्ट्रिय पुस्तकालयमा समितिको संयोजक टंकबहादुर नेगीको संयोजकत्वमा भएको थियो । समितिले निकट भविष्यमा सम्पन्न हुन गईरहेको तामाङ कर्मचारी संजालको साधारण सभा सम्पन्न गर्ने लगायतका विषयमा आवश्यक समन्वय, छलफल, सदस्य विस्तार, सहयोग एवं सहजीकरणमा सहयोग गर्ने भनी निर्णय गरेको छ । तदर्थ समितिले उल्लिखित संस्थालाई कर्मचारी विवरण अध्यावधिक तथा परीक्षण गर्न, राष्ट्रिय किताबखाना(निजामती)मा औपचारि अनौपचारिक माध्यमबाट विवरण संकलन गर्न समेत आवश्यक सहयोग गर्ने निर्णय गरेको छ । वैठकमा विशेष आमन्त्रितका रुपमा नेपाल सरकारका सहसचिव हेमराज तामाङ उपस्थित हुनु भएको थियो । त्यसैगरी नेपाल सरकारका उपसचिव डा.लोक ब.लोप्चन र भाषा विद् अमृत योञ्जन तामाङको समेत उपस्थिति रहेको थियो । समितिले तामाङ भाषा, संस्कृति र इतिहासको संरक्षण र प्रवर्दनका लागि अघि बढेको तामाङ राष्ट्रिय पुस्तकालयलाई सहयोग स्वरुप रु ७०००।– सहयोग गरेको थियो ।